Klámið í Kastljósinu

Hann var sniðugur vinkillinn hans Þórhalls Gunnarssonar inn í Kalla Bjarna málið í gær.

Klókt af honum að leyfa mömmunni að pústa soldið um hvað fjölmiðlar væri vondir að greina frá staðreyndum til þess að geta svo fengið hana til að velta sér upp úr sorgum sonar síns fyrir framan alþjóð í góðar fimmtán mínútur.

Eðall líka að fá mömmuna til að lesa upp úr bréfinu sem Kalli skrifaði til móður sinnar úr einangrunarklefanum á Litla-Hrauni. Það var örugglega það sem Kalli vildi þegar hann skrifaði mömmu sinni bréfið.

Allt var þetta framleitt eftir kúnstarinnar reglum. Það eina sem vantaði var tár á hvarmi móðurinnar til að fullkomna innslagið hans Þórhalls.

Venju samkvæmt var hæfilegur gaumur gefinn af "samfélagslega mikilvægum boðskap" svo Kastljósið yrði ekki sakað um að gera sér mat úr ógæfu Kalla. Það var snyrtilega leyst eins og venjulega. Mamman bað fólk um að nota ekki dóp, og óvenju glysgjarn Bubbi Morthens mætti í myndver og sagði að dópistar væru geðveikir og ættu að fara í AA.

Kastljósið kann sitt fag. Og þá sérstaklega Þórhallur Gunnarsson. Hann þekkir þá list betur en flestir að færa áhorfendum sínum tabloid orienterað tilfinningaklám í samfélagslega mikilvægum boðskapsbúning.

Maður gæti freistað að láta ódýr trix eins og lokka viðmælendur í viðtöl á þeim forsendum hvað aðrir fjölmiðlar hafi verið "vondir" fara í taugarnar á sér. En það eru einfaldlega orðin það viðtekin vinnubrögð í íslenskum fjölmiðlum að það tekur því varla.

Í stórum fréttamálum á Íslandi verður umfjöllunin allt of oft að aðalatriði.

Aðalatriði verða að aukaatriðum og aukaatriði að aðalatriðim

Eitt að lokum.

Mamma hans Kalla Bjarna sagði að ef sonur sinn væri Jón út í bæ þá hefði hann ekki verið nafngreindur í fréttum um fíkniefnainnflutningin. Þetta þykir henni ósanngjarnt.

En móðir Kalla verður að skilja að Jón út í bæ hefur heldur aldrei troðið einkalífi sínu í tímaritsviðtöl til að auka plötusölu. Eða hórað nafni sínu eða stöðu í Innlit/Útlit til að þess að fá afslátt af blöndunartækjum í Byko eða frítt sófasett í Húsgagnahöllinni.

Þeir sem slíkt gera hljóta að sætta sig við það að um þá sé fjallað með öðrum hætti enn Jón út í bæ í fjölmiðlum.

 

 

Athugasemdir

[bubba (IP-tala skráð) 6.6.2007 kl. 14:56]

Svo er gagnrýnin líka á þann veg að Kalli virðist ekki bera neina ábyrgð á þeim skaða sem þetta gæti valdið börnum hans heldur eru fjölmiðlarnir sagðir vera vondi kallinn. Undarlegt. Þetta hefði semsagt ekkert snert þau ef ekki hefði verið fjallað um málið?

Bubbi: kling-bling-klang.

[Árni (IP-tala skráð) 6.6.2007 kl. 16:57]

Gaman að sjá strákinn blogga aftur. Hvernig var þetta; Ef öl er böl þá er skyndibiti söl? Ég er að vinna í því að fá Byr inn á síðuna - þá færðu 50.000 kr. aukalega í tekjur. Ekki slæmt það.

[Matthias arnI (IP-tala skráð) 7.6.2007 kl. 02:08]

heyr heyr , vel að orði komist að vanda , hef ekki séð þáttinn en verð víst að skoða han úr þessu ;)

kv frá cali

m 

[brelog (IP-tala skráð) 8.6.2007 kl. 10:57]

Er Thorhallur ekki haettur sem ritstjori Kastljossins. Sidast tegar eg vissi var hann ordinn dagskrarstjóri innlends efnis a Ruv.

 Getur verid ad tetta se vitleysa hja mer, enda kominn med solsting a hau stigi

kv fra tene

b

[Jakob Bjarnar (IP-tala skráð) 8.6.2007 kl. 18:55]

Sæll Andri!

Gaman að sjá þig bloggandi. Já, líklega ekki allir sem átta sig á þessu snilldarbragði þó langt sé frá því að þetta sé í fyrsta skipti sem því er beitt. Gaman væri ef einhverjir minnugir kunna að nefna fleiri dæmi. 1. Kalla Bjarna málið. 2. Mr. Mister og Mr. Handsome málið. Svo var DV náttúrlega í því á sínum tíma að pródúsera mál í stórum stíl fyrir Kastljós sem óð inn í þau öllum almenningi til heilla á þessum nótum. Feiri dæmi, takk!

Kveðja,

Jakob

[Breki Logason, 13.6.2007 kl. 17:18]

Krakkar verið svo dugleg að commenta!

Ég vil óska þér tilhamingju með þetta blogg andri minn. Fínar færslur og vel skrifaðar. Gaman líka að sjá að færslurnar eru orðnar fleiri en stigin sem KR-ingar eru með í deildinni.

Mátt samt alveg dúndra inn einni. Það er orðið langt síðan síðast. Og þú verður að halda þessu við ef þú ætlar að tolla inni í bloggrúntinum hjá kallinum.